صباح الخير يا ريس وكل سنة وحضرتك طيب
زمان ياريس
كان في أغنية بيحطوها في احتقالات اكتوبر
أغنية بتتكلم عنك
أيوه يا ريس. كانت بتقول: أول طلعة جوية... فتحت باب الحرية
لكن الصراحة يا ريس
النهاردة الحرية راحت، والأبواب كلها اتقفلت في وشنا
احنا مش مهم، احنا ممكن ييجي غيرنا، و ممكن نستحمل
المشكلة الأكبر يا ريس، إن مصر بتضيع مننا
مصر بتضيع يا ريس
وانت اكتر واحد عارف يعني إبه مصر
انت في وقت من الأوقات كنت مستعد تفديها بحياتك
ليه النهاردة مستكتر عليها طاقة حرية صغيرة في اوضة باردة وعتمة
باحلفك يا ريس بالغلابة
اللي بيدفعوا تمن كل غلطاتنا
باحلفك بكوبرى قصر النيل
اللي ماعدتش قادر امشي عليه
من يوم ما عمرو انتحر من عليه علشان مش قادر يتجوز حبيبته
باحلفك بحبيبته
وباحلفك بالنيل، قبل ما يضيع
باتوسل اليك يا ريس، خد بالك من مصر
حررها
شكرا يا ريس
Zara
الصورة مأخوذة عن موقع: يوميات الصحفي الشقي
No comments:
Post a Comment