اغتصـــاب

وأول ما الميكروباص وصل حتة مقطوعة، قال الزعيم بتاعهم: وقف هنا يا اسطى

ونزلوا التلاتة ووقفوا قدام باب الميكروباص، وبصلها الزعيم وزعق فيها: ياللا انزلي يا بت يا بتعة

اتلفتت حواليها وقالت له: بتعة مين؟ أنا ماسميش بتعة

رد عليها: انتي عارفة يعني ايه تعطلي ظابط مباحث واتنين امناء شرطة عن شغلهم

راح قال السواق بانفعال: انتي جاية ترمي بالاكي علينا ولا ايه؟ ما تنزلي وتخلصينا

وواحد من الركاب قال لها: انزلي يا بنتي الله يخليكي، احنا ورانا عيال

وقالت مراته: يا ساتر استر يا رب. هو احنا ناقصين عطلة

ردت وهي خايفة ومش فاهمة حاجة: انزل ده ايه؟ أنا ماسميش بتعة، ومش هانزل من هنا

بصلها زعيم العصابة بعيون بطق شرار: هاتنزلي معايا بالذوق ولا تحبي اخليهم يجيبوكي من قفاكي

راكب : معلهش، هاتنزل يا سعادة البيه. انزلي يا بت وخلصينا

راكب تاني: انزلي مع البيه كفاية عطلة حرام عليكي

السواق: هو رمي جتت ولا رمي جتت. أنا مش عايزها في عربيتي

واحد شاب بنضارة قاعد في الكنبة الاخرانية قال بصوت هادي: تنزل ازاي مع واحد ماتعرفوش؟

بتقول إيه يا حبيبي؟ سمعني كده يا حبة عيني. ده زعيم العصابة اللي بيقول

رد عليه الشاب ابو نضارة: ورينا بطاقتك الشخصية علشان نتاكد

راح الزعيم باصص للاتنين المجرمين اللي معاه وقال لهم: ننوس عين امه بيسأل عن البطاقة، وروهاله

ونزلوا الاتنين ضرب في الشاب ابو نضارة لغاية لما عدموه العافية

ورجع واحد من الركاب وقال: يعني عاجبك البهدله دي اللي احنا فيها، ماتغوري بقى وتخلصينا

داهية تاخدكم وتريحنا منكم. قالت واحدة من الركاب

شاور زعيم العصابة للمجرمين اللي معاه وقال لهم: ياللا يا رجالة هاتوهالي

راحوا الاتنين يشدوا فيها علشان ينزلوها من الميكروباص وهي تحاول تمسك في أي حاجة علشان ماتنزلش، لكن الناس كانوا بيزوقوهوا مع المجرمين لغاية ماقدرو فعلا ينزلوها من الميكروباص

الغريبة انه بعد كده بقى المجرمين يسألوا نفسهم كل شوية: هي بقت بتاعتنا، مش كده؟ هي خلاص بقت بتاعتنا؟

ده كان مشهد من فيلم "اغتصاب" للمخرج: على عبد الخالق

 من له أذنان للسمع فليسمع

احساس غريب

احساس غريب 

لما تحس إن كل اللي باقيلك من صاحبك شوية ذكريات 

 وصفحة فيسبوك تقدر تحط عليها صور وتكتب تعليقات 

 وانت متأكد إن عمره ماهايرد عليك أو يعملك لايك

وبالرغم من الاحساس ده ، وعلى قد ما قلوبنا هاتفضل وفيّة 

هاتفضلي يا ميرنا ساكنة في قلوبنا ، ومش هاننساكِ أبدأ

مشروع: البيت

اسم المشروع: البيت

فكرة المشروع:

مساعدة عائلات ريفية تعيش في القرى المصرية القريبة من المدن على تجهيز مكان للضيافة – سواء ملحق بالبيت أو بالقرب منه – بطريقة جميلة وبسيطة تسمح باستقبال عائلات أو مجموعات صغيرة، تأتي من المدينة لقضاء عطلة نهاية الاسبوع أو الأجازات أو وقت للراحة والاستجمام، و ذلك مقابل مبلغ معين محدد مسبقا.

عمليـــــــاً:

1.      يتم مساعدة العائلات الريفية على تجهيز مكان الضيافة – هذه المساعدة قد تكون مادية، هندسية، فنية، ارشادية...

·         يفضل في تلك المرحلة عمل لقاءات مع العائلة حول موضوع الاستقبال و الضيافة

2.      عمل الدعاية اللازمة بين سكان المدينة، ربما تبدأ ببعض العائلات التي نعرفها، أو الجمعيات... ثم تتوسع لتشمل عدد أكبر من سكان المدينة.

3.      في المستقبل، يتم تأسيس جمعية تضم جميع البيوت المشتركة في المشروع، و يمكن الحجز من خلال الجمعية أو من خلال التليفون أو الانترنت.

4.      في المستقبل البعيد، يمكن التفكير في مشاريع بيئية و صحية بالقرى التي يوجد بها بيوت ضيافة، و يمكن للمجموعات التي يتم استقبالها في بيوت الضيافة – إذا ارادت – أن تشارك تطوعياً للمساعدة في المشاريع البيئية مدة اقامتهم في بيت الضيافة.

5.      تستطيع العائلات الريفية الاستفادة من بيع بعض المنتوجات المنزلية للزائرين.  

الأهــداف:

1.      أهداف اقتصادية:

·         مساعدة عائلات ريفية بسيطة على تحسين دخلها الاقتصادي.

2.      أهداف إنسانية/ثقافية:

·         التواصل الحضاري والانساني بين أهل المدينة وأهل الريف، بين الأغنياء والفقراء.

·         في مجتمع المدينة السريع والمعقد، يجد سكان المدينة فرصة للراحة و التأمل وللتواصل مع الطبيعة، ومن ثم، يعودون إلى أعمالهم مرة اخرى بطاقة انتاجية اكبر.

3.      أهداف صحية وبيئية:

·      مشروع البيت قد يساعد على الاهتمام أكثر بنظافة البيت والقرية بشكل عام من خلال لقاءات توعية مع أصحاب المشاريع. ستكون برامج التوعية تلك فرصة للحديث عن الصحة والنظافة الشخصية و فصل أماكن مبيت الحيوانات عن البيت.... بشكل عام، هناك علاقة مباشرة بين نظافة البيت والقرية و بين اقبال عائلات المدينة على بيوت معينة، مما يعطي عائد ربحية اعلى لتلك البيوت التي تعلمت أن تحترم القواعد البيئية والصحية.

4.      أهداف وطنية:

·         يستعيد الإنسان المصري مرة اخرى علاقته بالأرض.

·         يساعد المشروع على التعرف على وجه أخر من البلد وأماكن جديدة قد لا يعرفها الكثير من جيل الشباب.

هذه الأفكار هي أفكار أوليّة، وهي قابلة للتطوير والتغيير من خلال مشاركاتكم

------------------

Photo1: Samar Oraby

بعد الطوفان

بعد الطوفان نلقى الصديق الزين

نتسندوا على بعض بالكتفين 

------------------

كلمات: صلاح جاهين

Palestinian Spring!

Palestinian Authority President Mahmoud Abbas: “Enough, enough, enough. It is time for the Palestinian people to gain their freedom and independence.”

24 Heures Chrono- Le Film

"24 Heures Chrono" est un projet que j'ai travaillé avec mes compagnons à Paris. C'est autour de la vie des jeunes jésuites qui viennent des quatre coins du monde pour faire leur formation à Paris.

Groupe de travail du film:

Fadi Georges, sj - Egypte

Grégoire Le Bel, sj - France

Shannon Pereira, sj - Inde

Tvrtko Barun, sj - Croatie

Victor-Hugo Miranda Tarazona, sj - Pérou

Bienaventurados - 24 Heures Chrono clip

"24 heures chrono" est un projet autour de la vie des jeunes jésuites qui viennent des quatre coins du monde pour faire leur formation à Paris.

Bienaventurado
L: P. Esteban Gumucio ss.cc.
M: Andrés Opazo B.

Le goût de la justice طعـم العدالة

! و رأى الشعب أن طعم العدالة حسنٌ جدّاً، وكانَ مساءٌ وكان صباحٌ: يوم جديد

Et le peuple vit que le goût de la justice est très bon, et il y eut un soir et il y eut un matin : un jour nouveau !

___________________

القضاء المصري يصدر حكماً بسجن وزير الداخلية السابق 12 عام

L'ex-ministre de l'Intérieur égyptien a été condamné à douze ans de prison par un tribunal du Caire.

الفوضى – النسخة السورية

من شهرين بالظبط كتبت تدوينة بعنوان "الفوضى". وقتها كان في شباب كتير في مصر بيقول على اللي بيحصل في ميدان التحرير فوضى، وكانوا بيقولوا إن المظاهرات دي بتهدد استقرار مصر. ومع إني ماكنش عندي أدنى شك في وطنية الناس اللي بتطالب بالاستقرار، إلا إني كنت متأكد من عدم ادراكهم للعلاقة بين التعذيب والفقر والبطالة وسوء التعليم وكل مشاكلنا اللي بنعاني منها من ناحية، والمسئولية السياسية عن كل المشاكل دي من ناحية تانية. والأخطر من كده، هو عدم ادراك بعضهم بوجود المشاكل دي أصلاً.

النهاردة بنسمع نفس المصطلحات في سوريا: الاستقرار، الفوضى، البلطجية، الشبيحة، العملاء، الأجندات الأجنبية... الحاجة الوحيدة اللي ماسمعتهاش في سوريا هي "كنتاكي" وبصراحة مش عارف إذا كان في كنتاكي أصلاً في سوريا ولا لأ. ولأني ماقدرش أدّعي إني باعرف القطر السوري كويس ولأن الناس بدأت تتكلم عن مشاكل طائفية وحاجات تاريخية أنا ماعنديش عنها معرفة كافية، فقررت إني ألتزم الحياد – مع إني في الأصل مع كل حركات التحرّر في المنطقة العربية – وأسيب لأصدقائي السوريين اللي باثق فيهم مهمة الكتابة. لكن في الحقيقة في سؤال بديهي جداً مسيطر عليَّ: مازال في ناس كتير وأولهم النظام نفسه مقتنعين إن اللي بيحصل ده فوضى، وإن إحنا عايشين ازهى عصور الاستقرار، يبقى ليه في قانون طوارئ متطبق من حوالي 40 سنة ؟؟؟!! ما هو قانون الطوارئ ده في الأساس بيتطبق – في البلدان العادية – لما يكون في حالة عدم استقرار! لكن احنا بلادنا والحمد لله فيها استقرار، يبقى ايه بقى لازمة قانون الطوارئ؟ وايه لازمة ان كل حاجة محتاج اعملها لازم اخد تصريح من الأمن؟ وإيه لازمة إن كل مرة أروح فيها سوريا ييجي راجل بشنب وجاكت جلد ويقعد يسألني: اسم امك إيه؟ وأبوك الله يرحمه ما ادري إيه...؟! وإيه لازمة إن مثقفين ومدونين وأطفال يكونوا معتقلين في السجون؟ مازال احنا عايشين في استقرار، ليه الخوف محاوطنا من كل ناحية؟

دلوقتي اللي عايز ينزل الشارع ينزل، واللي عايز يقعد في البيت يقعد. أنا زي ماقلت ماعنديش انحياز معين لأني ماعنديش كل الحقيقة. لكن الحقيقة الوحيدة اللي متاكد منها هي إنه: لو اللي احنا كنا عايشينه السنين اللي فاتت ده فوضى، يبقى لازم تتحرك علشان الاستقرار اللي انت بتدور عليه. ولو اللي احنا كنا عايشينه السنين اللي فاتت ده هو الاستقرار- استقرار مدعوم بالطوارئ، وبصرخات الناس اللي مالهاش صوت، وبدم ناس بريئة – يبقى برضه لازم تتحرك علشان تلاقي استقرار حقيقي، وعلشان تعيش في الحقيقة مش في الكذب.

Le moment où on a cassé ce mur de la peur | Interview

Fadi : Avant de répondre à ta question, j’aimerais te dire que je pense beaucoup à tous ces jeunes qui sont morts durant ces manifestations. On parle de plus de 500 jeunes morts pour avoir aspiré à la liberté à un plus grand respect de la dignité humaine.

Personnellement j’ai vécu à la fois des moments difficiles d’inquiétude pour mon pays mais aussi des moments très joyeux.

J’étais très fier de ce que faisaient les jeunes égyptiens. Cette volonté du peuple d’exiger la liberté et plus de dignité.

La rédaction : Si tu avais été là-bas, aurais-tu participé aux manifestations ?

Continuer la lecture → Ici

البـدايـة

هذه رسالة إلكترونية. سوف تصل إليكم تلقائياً بعد أن يصل عدد اللذين يحلمون بالحرية إلى عدد كافٍ. إذا كنتم تقرأون هذه الرسالة الآن، فهذا معناه أن ملايين المصريين استطاعوا ان يكسروا حاجز الخوف. إذا كنتم تقرأون هذه الرسالة الآن، فهذا معناه أن مصر عادت لتقف على طريق الحريّة من جديد، وأننا استطعنا أن ننتصر للإنسان وللحرية وللكرامة. هذه الرسالة لن تتدمر ذاتياً خلال ثواني، ولا يجب أن تُمحى من الذاكرة. هذه الرسالة يجب أن تبقى شاهدة على شعب رائع اختار الحياة

هذه هي البداية...

ثورة 25 يناير 2011

النهاردة 30 يناير 2011، الساعة حوالي واحدة الصبح. ومهما كانت النتايج، ومهما حصل، عايز أقول إني فخور بإني مصري، وإني فخور بكل المصريين، فخور بكل شخص حاول يقول لأ للفساد وللظلم وعدم العدالة. فخور بكل شخص حاول يكسر حاجز الخوف علشان بلده وعلشان الناس اللي حواليه. فخور بكل شخص كتب كلمة، كل شخص نزل الشارع، كل شخص دعا من قلبه ...حاسس لأول مرة ان الناس اللي غرقت في العبارة، والناس اللي ماتوا تحت الصخور في الدويقة، والشباب اللي غرق وهو بيحاول يهاجر من مصر، وكل اللي اتعذبوا وماتوا في أقسام الشرطة... حاسس ان كل الناس دي دمها مارحش هدر. علشان كده مهما حصل بكرا، وسواء نجحنا أو لا، ومهما حاولوا يقولوا ان الحصل ده كان فوضى، أنا فخور ومؤمن بكل مصري. تصبحوا على وطن

الفوضى

الفوضى هي إنه يموت 1000 شخص في العبارة من غير مايتحاسب حد

الفوضى هي انه اتوبيس يتقلب في الصعيد بسبب السيول ويموت 45 شخص والناجية الوحيدة تقول انها فضلت متعلقة في صخرة طول الليل لغاية لما لقت حد ينقذها الصبح

الفوضى هي ان الناس تشرب من ميه مخلوطة بمية الصرف الصحي

الفوضى هي أن أكتر من 8000 شخص يموتوا سنويا في مصر بسبب حوادث الطرق

الفوضى هي انك تلاقي المرضى نايمين على الأرض في الطرقة في مستشفى المنيا الجامعي

الفوضى أن جماعة صغيرة تتحكم في كل ثروات البلد، في الوقت اللي فيه غالبية الناس بتحارب علشان تفضل على قيد الحياة الفوضى انه ينتحر عمرو من على كوبري قصر النيل ويموتوا الناس وهم خارجين من الصلاة في الاسكندرية

الفوضى هو انه يتسرق منك بلدك وتتحول كل الأماكن اللي كنت بتحبها لكابوس

الفوضى انه حد يحكمنا 30 سنة وبعدين يورثنا لابنه

الفوضى هي انه الكنيسة والازهر يساندوا نظام بيهين كرامة الانسان كل يوم

الفوضى هي انه نسكت

اللي بيحصل النهاردة ده مش فوضى، دي محاولة لتصليح الفوضى اللي موجودة فعلا

هل هاننجح؟ مش عارف! بس عارف انه لازم نحاول علشان خاطر الناس اللي مالهاش صوت، علشان خاطر الناس اللي ضحوا بحياتهم علشان البلد دي، علشان خاطر الناس اللي فقدت اي معنى للحياة، نحاول علشان خاطر الإنسان

العمل السياسيّ

مقدمة

يستطيع هذا النص، بالرغم من كونه نصاً كنسياً، أن يكون ملهماً للمسيحيين وغير المسيحيين، إذ أن الهدف الأساسي من النص هو خدمة الخير العام وخير المجتمع.

هذا النصّ مأخوذ عن: رسالة بطاركة الشرق الكاثوليك التاسعة " شباب اليوم، كنيسة الغد"، عام 2006، الفقرة 46

العمل السياسيّ

السياسة هي فنّ خدمة الشخص والمجتمع. هدفها تأمين الخير العام والعمل على صيانته وإنمائه، وإحلال العدالة الاجتماعيّة، والدفاع عن الحرّيات والعمل على أن تكون تعبيرًا، في الحقّ والمحبّة، عن نزعة الإنسان الطبيعيّة إلى تحقيق ذاته وبلوغ كماله وتأمين خير مجتمعه. فالعمل السياسيّ، في هذا المفهوم، عمل يليق بالإنسان وينمّيه، وتعاطي السياسة أمرٌ ليس فقط مستحبًّا بل هو أيضًا واجب.

غير أنَّ السياسة، في كثير من الأحيان والأمكنة، تتّخذ معنًى آخر، ينحرف بها عن غايتها، التي هي خدمة «الآخر»، ويعود بها إلى خدمة «الذات». أي إنَّها تمسي سعيًا إلى المصلحة الشخصيّة وتخلّيًا عن الخير العام. فمن البديهيّ، في هذه الحال، أن يبتعد كثيرون عن السياسة ويفقدوا اعتبارهم لأربابها.

الشابّات والشبّان مدعوّون إلى الدخول في مجال السياسة لخدمة الخير العامّ. يدعوهم إلى ذلك الإنجيل المقدّس، لأنَّه يدعو إلى الخدمة والمحبّة. تفشِّي الفساد أو الخوف من الفساد يجب ألاّ يكون ذريعة لازدراء هذا المجال وترك العمل فيه لآخرين. إن كان في هذا المجال فساد أو كان فيه فراغ، فلا بُدَّ من مصلحين يملأون الفراغ فيخدمون كما يجب أن تكون الخدمة. المسيحيّ مدعوّ دائمًا إلى الشهادة للحقّ والمحبّة. والعلمانيّون المؤمنون بالمسيح يحملون هذه الشهادة لكلَّ إنسان وللمجتمع كلِّه. فهم الخميرة التي لا تبقى منزوية، بل توضع في عجينة النظام الزمنيِّ لتخمّره بروح الإنجيل.

والعمل السياسيّ لا يكون إلاّ جماعيًّا وتضامنيًّا. لذلك تنشأ التجمُّعات السياسيّة والأحزاب.

المواقف والنشاطات السياسيّة متعدّدة ومتنوّعة. ومن ثمّ لا بُدَّ من سلطة تضبطها، مبنيّة على مبدأ احترام الحرّيات، قادرة على التنسيق بين الجميع لخدمة الخير العام. وليس من المحتَّم أن تكون العلاقة بين رجال السياسة وبين الأحزاب المختلفة علاقة صراع يحول دون تحقيق الصالح العام. بل يجب أن تكون علاقة منافسة شريفة من أجل الخدمة وخير جميع المواطنين.

السلطة خدمة. ولا يجوز لمن أراد أن يتولاّها أن يستعمل، لبلوغها أو للاحتفاظ بها، وسائل غير شريفة وطرقًا غير شرعيّة. فالغاية الصالحة لا يمكن بلوغها بوسائل ملتوية وفاسدة، لأنَّ الغاية لا تبرِّر الوسيلة. ولأنَّ الوسيلة جزء من الغاية، ولا يمكن الفصل بينهما. ويسوع قال إنَّه الغاية والوسيلة معًا لمَّا قال إنّه الحقّ والحياة، وإنّه أيضًا الطريق إلى الحق والحياة.

العلمانيّون المسيحيّون شهود للمسيح ولكنيسته. وإذا تعاطَوْا السياسة ومارسوا السلطة بروح الإنجيل فهم يحملون مسؤوليّة تصرُّفاتهم دون أن يُلزِموا الكنيسة. لأنَّ الكنيسة تعانق كلَّ أبنائها في أيّة جماعة أو حزب كانوا. هي نفسها ليست حزبًا ولا ترضى بأن تحصر نفسها في أي حزب كان. وتريد أن تكون للمسيحيّين الملتزمين في حقل السياسة أو في ممارسة السلطة، بمثابة الضمير الذي ينبِّه والذي يوجِّه إلى الفضائل والقِيَم التي يجب أن تحكم تصرُّفاتهم ومسؤوليّاتهم.

إنَّ قيام الجمعيّات أو الأحزاب السياسيّة أمر صالح وضروريّ. وكلُّ مسيحيّ علمانيّ مدعوٌّ إلى الانخراط فيها أو إلى دعمها بالوسائل المناسبة.

السياسة فنّ ومسؤوليّة، وبالتالي تحتاج إلى تنشئةٍ مناسبة للقيام بها على أفضل ما يكون. لأجل ذلك نحثّ أبناءنا الشبّان والشابّات على إعداد أنفسهم الإعداد المناسب لها. ومن جهة أخرى، يجب أن يتابعوا تطوَّر الأحداث الوطنيّة والدوليّة، ليعمِّقوا معرفتهم وفهمهم للأمور، قبل أن يصدروا الأحكام في الأشخاص أو الأوضاع السياسيّة عامّة. وعندما تحين الساعة، يجب أن يكونوا مستعدّين لتحمُّل المسؤوليّات السياسيّة إذا ما دعاهم الواجب إلى خدمة مجتمعهم ووطنهم.

10 أسباب تدفعني لأهتم بالسياسة

1 لأنها تهدف خدمة الفرد والمجتمع وتأمين الخير العام

2 لأنها تتعلق برغيف العيش

3 لأنها تتعلق بكرامة الإنسان وحريته

4 لأنها تعني بتحسين حياة الفقراء والمهمشين والحفاظ على حقوق الأقليات

5 لأنها تساعد على الخروج من الدائرة الصغيرة (ديانتي، طائفتي، عشيرتي...) للانفتاح على جماعة أوسع للوصول إلى الخير العام

6 لأنها قد تكون أداة مهمة للسلام

7 لأنها إذا لم تكن فاسدة تستطيع أن تحارب الفساد

8 لأنها تستطيع أن توفر حياة أفضل لجميع المواطنين، لا إلى المحظوظين منهم فقط

9 لأنها إذا أَحسن استخدامها، تستطيع أن تعمل على نمو وسعادة الفرد، وتقليص لحظات الخوف والقلق

10 لأنها تتعلق بالإيمان. الإيمان بالحياة، وبأن الله خلق الإنسان في أحسن تقويم، وإنه ليس من حق أحد أن يشوه الإنسان