Thursday, March 22, 2007
Tuesday, March 13, 2007
Thursday, March 08, 2007
Thursday, March 01, 2007
تحت المطر
تحت المطر
في ناس لسه بتحلم
أحلام بسيطة
ناس مش بتحلم بالسلام في كل العالم
ولا انها توصل على القمر
تحت المطر
في ناس بتحلم بأوضتين على السطوح
وناس بتحلم تلاقي شيء يتاكل في الزبالة
بشخص يضمها في البرد
تحت المطر
أحلام بتكبر
أحلام بتغرق
وأحلام مدفونة تحت الشماسي المتحجرة
خايفة من المطر
أحلام الناس البسيطة
بتدق على بابي
أحلام الناس البسيطة
بتهاجم أحلامي
أحلام مريم وعمرو وأم ملاك
أحلام عم صبري البقال وسنية ومحمود
أحلام هند وكاميليا
تحت المطر
أحلام الناس البسيطة بالكوم
وأنا تحت المطر
قاعد باصلي تتحقق الأحلام
لا، مش راح اصلي تاني
نزلت من على السطوح
اشتريت سندوتشين فول ليَّ ولمصطفى
Subscribe to:
Posts (Atom)