رايح اجيب الشمس

عمر المختار: ماتخافوش-
أحد الثوار: ها نعمل إيه دلوقتي؟-

***

وفي يوم من الأيام
قلت لأصحابي
بكرة
هاروح اجيبلكم الشمس

***

ومشيت
تلاتين مرة وقع الورق من الشجر
ومشيت
تلاتين مرة نزل المطر
ومشيت
تلاتين مرة اتفتحت الاحلام والجروح
مشيت
تلاتين مرة على البحر حافي

***

وأتاري الطريق طويلة
والصحراء واسعة وعنيدة
وقعت كل الأسلحة
حتى أصحابي نسيوني
واتولد جيل جديد
لا بيعرف شكلي ولا حتى إسمي

***

أحد الثوار: في دبابات جاية علينا-
عمر المختار: ماتخافوش-
أحد الثوار: ها نعمل إيه دلوقتي؟-
عمر المختار: هانكمل، مش هانتحرك من الطريق. هانربط رجلينا بالحبل ده-
! أحد الثوار: لكن يمكن نموت-
عمر المختار: ممكن نخسر! لكن أكيد راح تتولد الحياة -

***

حسيت العمر بيجري
رفعت عينيَّ
يمكن اتوه في الطريق
يمكن ماقدرش أجيب الشمس
يمكن اخسر وتضيع حياتي
!لكن ساعات لما بنخسر... بنكسب

***

على العموم
إذا ما لحقتش ارجع بالشمس
باقدملك حياتي
علشان أصحابي

***

ربطت الحبل حوالين وسطي
ومشيت لوحدي
لكن انا مش لوحدي